Şou-biznes

2 müğənni eyni kişiyə ƏRƏ GEDİB: "Məni boşayıb, Sevdanı aldı"

11 Dekabr 2025 17:03

Baxış: 5 374

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ƏMƏKDAR ARTİST #ŞOU

Müğənnilər Ruhəngiz Musəvi və Sevda Əliqızı keçmişdə eyni şəxslə ailə qurduqları barədə "Günə Uğurla" verilişində danışaraq gündəm olublar.

Milli.Az xəbər verir ki, proqramda hər iki sənətçi illər əvvəl yaşanan hadisələrə və aralarındakı münasibətə aydınlıq gətirib.

Sevda Əliqızı aralarında düşmənçilik olmadığını, münasibətlərinin normal olduğunu desə də, Ruhəngiz Musəvi hazırda aralarında soyuqluq olduğunu bildirib.

Ruhəngiz Musəvi keçmiş həyat yoldaşı Çingizlə 10 il ailə həyatı sürdüyünü xatırladıb:

"Sevda əvvəl öz qohumu ilə ailə qurub, övladı da o evlilikdəndir. Sonra Çingizlə evləndi. Mən on il onunla yaşamışam. Sevdanın oğlu mənim qızımla eyni yaşdadır. Həmişə demişəm ki, mənim ailəmi o dağıtmayıb. Çingizlə ayrıldıqdan bir il sonra Sevda ilə qarşılaşıb. O yox, başqası olardı - nə fərqi var?"

Müğənni iki sənətçi arasında yaranan soyuqluğa da toxunub:

"İndi aramız soyuqdur. Hərənin bir xasiyyəti var. Mən hamı ilə uşaq kimi davranıram. Sevda isə əsəbidir, çox şeylər görüb, çətinlik çəkib. Mən söz götürmürəm, o isə adi şeyə sərt reaksiya verir. Dəfələrlə demişəm ki, bu davranışları xoşlamıram. Beləcə yavaş-yavaş ürəyim qırılıb".

Ruhəngiz Musəvi onların ailələrinin də zamanında yaxın olduğunu əlavə edib:

"Bir-birimizin övladlarının xeyir işində də iştirak etmişik. Allah ona da, anasına da can sağlığı versin. Verilişlərə də bir yerdə çıxırdıq, amma sonra incidim ondan".

Sənətçilərin bu açıqlamaları sosial şəbəkələrdə geniş müzakirə olunub.

Musa
Milli.Az