Dünya

Əbdürrəhman Əbdürrəhmanov həbs edilib

27 İyun 2022 23:29
0 Şərh     Baxış: 1 675
VTB-də minimal faiz dərəcəsi ilə nağd kredit 9.9%-dən

İŞİD terror təşkilatına pul köçürən, o cümlədən İstanbuldakı gecə klubunda qırxa yaxın insanın ölümü ilə nəticələnən terror aktını maliyyələşdirən Rusiya vətəndaşı həbs edilib.

Milli.Az teleqraf.com-a istinadən bildirir ki, bu barədə Rusiyanın Federal Təhlükəsizlik Xidmətinin mətbuat xidməti məlumat yayıb.

Məlumata görə, Rusiya İstintaq Komitəsinin Dağıstan Respublikası üzrə İstintaq İdarəsi tərəfindən terrorçuluq fəaliyyətinin təbliği maddəsi ilə açılmış cinayət işi çərçivəsində İŞİD üzvü olan Rusiya vətəndaşı Əbdürrəhman Əbdürrəhmanov saxlanılıb.

Saxlanılan şəxsdən bank kartları, mobil telefonlar, ödənişlərin məsafədən idarə olunması üçün istifadə olunan fərdi kompüterlər, habelə dini təbliğat xarakterli ədəbiyyat aşkar edilərək götürülüb.

Bildirilib ki, Əbdürrəhman Əbdürrəhmanov həbs edilib.

Qeyd edək ki, 2017-ci ilin yeni il gecəsində - yanvarın 1-də Türkiyənin İstanbul şəhərindəki "Reyna" gecə klubuna silahlı hücum edilib. Terror aktı nəticəsində 39 nəfər həlak olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.