Dünya

Ukrayna Silahlı Qüvvələri Donbassda böyük itkilər verib

16 İyun 2022 12:15
0 Şərh     Baxış: 1 440
VTB-də minimal faiz dərəcəsi ilə nağd kredit 10.49%-dən

Hər gün minə qədər ukraynalı müdafiəçi Donbassdakı döyüşlərdə yaralanır, orta hesabla 200-dən 500-ə qədər ölür.

Milli.Az Ukrayna mətbuatına istinadən bildirir ki, bunu Rusiya Federasiyası ilə danışıqlarda Ukrayna nümayəndə heyətinin rəhbəri David Araxamiya deyib.

Bundan əvvəl prezident Vladimir Zelenski hər gün 60-100 Ukrayna əsgərinin öldüyünü açıqlamışdı. Araxamiyanın sözlərinə görə, son iki həftə ərzində bu rəqəm xeyli artıb.

Deputat əlavə edib ki, Ukrayna ordusunda bir milyona yaxın insan xidmət edir, daha iki milyonu isə orduya cəlb etmək imkanı var. Araxamiya deyir ki, Ukrayna Silahlı Qüvvələri xüsusilə Donbassda döyüşü davam etdirmək gücünə malikdir.

Rusiya Federasiyası ilə qarşılaşmaq üçün Ukraynada indi silah və sursat yoxdur.

"Bizim hücuma, əks-hücuma keçmək üçün təlim keçmiş adamlarımız var, lakin bunun üçün bizə silah lazımdır", - Araxamiya deyir.

O, həmçinin bildirib ki, Rusiya Federasiyası ilə rəsmi danışıqların dondurulmasına baxmayaraq, telefon dialoqu davam edir: ruslarla həftədə bir və ya iki dəfə əlaqə saxlayırlar.

Araxamiyanın proqnozuna görə, Rusiya Federasiyası 3-4 ildən sonra Qərbin sanksiyalarının təsirini tam hiss edəcək.

Aslan Məmmədov
Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.