Dünya

"Biz doğmayıq, aramızda heç bir sərhəd və ya maneə olmamalıdır"

22 May 2022 17:54
1 Şərh     Baxış: 3 535

Ukrayna prezidenti Vladimir Zelenski bu gün Ali Radada çıxış edərək, Polşa rəhbərliyi ilə ölkələr arasında sərhəd keçidinin sadələşdirilməsinə dair razılıq əldə olunduğunu açıqlayıb.

Milli.Az APA-ya istinadən bildirir ki, bu barədə Ukraynanın "Evropeyska Pravda" nəşri məlumat yayıb.

Məlumatda bildirilir:

"Biz doğmayıq. Aramızda heç bir sərhəd və ya maneə olmamalıdır. Ukrayna və Polşa xalqları uzun müddətdir ki, mental olaraq sərhədləri bölüşmürlər. Ona görə də biz bunu yaxın vaxtlarda müvafiq ikitərəfli sazişə çevirmək qərarına gəldik".

O əlavə edib ki, Ukraynadakı hazırkı vəziyyət "Ukrayna və Polşanı istər-istəməz ortaq keçmişlə bağlı mübahisələri unutdurdu".

Qeyd edək ki, bu gün səhər saatlarında Zelenski Ukraynada Polşa vətəndaşları üçün genişləndirilmiş imkanlar haqqında qanun layihəsinin qəbul edildiyini açıqlayıb.

Zelenskinin çıxışı Kiyevdə səfərdə olan Polşa lideri Anjey Dudanın Radadakı çıxışından dərhal sonra baş tutub. Duda Ukrayna tərəfinə mehriban qonşuluq haqqında yeni saziş bağlamağı təklif edib.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

1 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics