Dünya

Britaniya Odessanı müdafiə etmək üçün Ukraynaya silah göndərəcək

3 Aprel 2022 10:45

0 Şərh Baxış: 1 075

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Böyük Britaniya hakimiyyəti Rusiya silahlı qüvvələrinin Oddesaya hücumu halında şəhəri qorumaq üçün Ukraynaya silah, o cümlədən gəmi əleyhinə raketlər göndərmək niyyətindədir.

Milli.Az "Report"a istinadən xəbər verir ki, bu barədə Britaniya hökumətindəki mənbələrə istinadən Times qəzeti yazır.

"Ukraynalılar Qara dəniz bölgəsi üçün öldürücü silahlarla bağlı kömək istəyiblər. Bizdə onlara lazım olanların siyahısı var. Biz bunu mümkün qədər təmin etməyə çalışırıq", - yüksək rütbəli hökumət rəsmisi nəşrə bildirib.

Hökumət rəsimisinin sözlərinə görə, Böyük Britaniyanın baş naziri Boris Conson Almaniya və Fransadakı həmkarlarından fərqli olaraq deyib ki, "Volodimir Zelenski istədiyi hər şeyi, əgər varsa, Britaniyadan alacaq".

Qəzetin yazdığına görə, söhbət Britaniya Kral Donanmasının istifadə etdiyi "Harpoon" gəmi əleyhinə raketlərdən, Ukrayna sahillərində yerləşən gəmiləri hədəfə ala bilən sensorlu raketlərdən, eləcə də daxil olan artilleriya mərmilərini məhv edəcək vasitələrindən gedir.

Milli.Az