Dünya

Obolonda məktəb vuruldu - FOTO

14 Mart 2022 14:36

0 Şərh Baxış: 824

VTB-də minimal faiz dərəcəsi ilə nağd kredit 10.49%-dən

Martın 14-də Kiyevdə şəhərin Obolonski rayonunda doqquzmərtəbəli yaşayış binası atəşə tutulub. 2 nəfər ölüb, 3 nəfər xəstəxanaya yerləşdirilib, 9 nəfərə hadisə yerində yardım göstərilib.

Milli.Az UNİAN-a istinadən bildirir ki, Fövqəladə Hallar Nazirliyinin Dövlət Xidmətindən verilən məlumata görə, yanğın barədə məlumat səhər saat 5 radələrində daxil olub.

Top mərmisinin düşməsi nəticəsində 1-ci mərtəbədən 3-cü mərtəbəyə qədər olan pilləkən qəfəsləri və 1-ci mərtəbədən 9-cu mərtəbəyə kimi evin fasadı sıradan çıxıb, 3-cü və 4-cü mərtəbələrdəki mənzillərdə yanğın baş verib. 63 nəfər təxliyə edilib.

"Eyni zamanda evdən 100 metr aralıda atılan mərmilər nəticəsində 256 saylı inkluziv məktəbin binası partlayış dalğası nəticəsində zədələnib", - deputat Aleksiy Qonçarenko bildirib.

13 nəfər məktəbin bomba sığınacağında gizlənib.

Aslan Məmmədov
Milli.Az