Dünya

Bu ölkədə koronavirusa qarşı məcburi peyvənd qanununun icrası dayandırılıb

9 Mart 2022 23:05

0 Şərh Baxış: 944

VTB-də minimal faiz dərəcəsi ilə nağd kredit 10.49%-dən

Avstriyada koronavirusa qarşı qəbul olunmuş məcburi peyvənd haqqında qanunun icrası dayandırılıb.

Milli.Az AZƏRTAC-a istinadən bildirir ki, fevralın 1-dən Avropa İttifaqında ilk olaraq Avstriyada belə bir qanun qəbul olunsa da, Nazirlər Kabinetinin iclasında qanunun icrası müvəqqəti olaraq dayandırılıb. Martın 15-dək qanunda keçid dövrü nəzərdə tutulurdu və martın 15-dən etibarən peyvənd olunmamış şəxslərə qarşı inzibati cəzalar tətbiq olunmalı idi.

Bildirilib ki, hazırkı vəziyyətdə qanunun icrasının icbari qaydada tətbiqini tələb etmir. Ölkə üzrə koronavirusla əlaqədar hospitalizasiya səviyyəsi nəzarət altındadır, bununla belə əhaliyə könüllü şəkildə vaksinasiya prosesində iştirak etmək tövsiyə olunur.

Milli.Az