Dünya

Omikron dalğası nə vaxt səngiyəcək? - Virusoloqdan AÇIQLAMA

28 Yanvar 2022 22:49
0 Şərh     Baxış: 1 167
VTB-də minimal faiz dərəcəsi ilə nağd kredit 10.49%-dən

COVID-19-a yoluxma halları artmaqdadır. Lakin yaxın gələcəkdə dalğa azalacaq, belə bir proqnozu virusoloq Pyotr Çumakov verib.

"Omikron ştamı çox yoluxucudur və sürətlə yayılır, lakin onun yaratdığı COVID-19 dalğası yüksələn kimi tez də azalacaq".

Milli.Az xəbər verir ki, ekspertin fikrincə, Rusiyada dalğa çox güman ki, fevralın 10-dan sonra azalmağa başlayacaq.

Virusoloq bildirib ki, koronavirusun Omikron variantı ilə yoluxma çox vaxt COVID-19 simptomları ilə nəticələnmir: "İndi insanların çoxu asemptomatikdir, yəni yoluxduqlarını belə bilmirlər, çünki bu ştam çox aşağı patogendir, adətən insanın hiss edə bilməyəcəyi yüngül, soyuqdəyməyə bənzər bir xəstəliyə səbəb olur".

Ekspert hesab edir ki, bir çox Omikron daşıyıcılarında COVID-19 simptomları olmadığından və tibbi yardıma müraciət edilmədiyindən, hazırda gördüyümüz insidentlərin artması əslində statistikanın göstərdiyindən qat-qat çoxdur.

O, əlavə edib ki, Omikrona yoluxmuş insanların böyük bir hissəsi COVID-19-a qarşı immunitet qazanacaq, buna görə də bu xəstəliyin növbəti dalğası narahatlıq yaratmayacaq. /medicina.az

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.