Dünya

Qanuni oğru Gürcüstan Prezidentini məhkəməyə verdi

25 Yanvar 2022 11:40
1 Şərh     Baxış: 1 156

Fransada ömürlük həbs cəzasına məhkum edilən kriminal avtoritet Kaxa Şuşanaşvili Gürcüstan Prezidenti Salome Zurabişvilini məhkəməyə verib.

Milli.Az "Qafqazinfo"ya istinadən xəbər verir ki, "Kaxa Rustavskiy" adı ilə tanınan qanuni oğru ona Gürcüstan vətəndaşlığının geri qaytarılmasını tələb edir.

"O məhkəməyə müraciət edib. Biz məhkəmə vasitəsilə Prezident tərəfindən imzalanan sərəncamı ləğv etmək istəyirik", - deyə kriminal avtoritetin qızı Tatiya Şuşanaşvili telekanalın efirində deyib.

Tbilisi Şəhər Məhkəməsi Şuşanaşvilinin iddiasını artıq icraata qəbul edib.

Gürcüstan Prezidentinin qanuni oğrunun ölkə vətəndaşlığına xitam verilməsi haqqında sərəncamı Ədliyyə Nazirliyinin Şuşanaşvilinin 2015-ci ildə Rusiya vətəndaşlığı alması ilə bağlı gəldiyi qənaətə əsaslanıb. Vəkil isə bu sənədin həqiqi olmadığını iddia edir, çünki Şuşanaşvili həmin vaxt artıq Marsel həbsxanasında cəza çəkirdi.

T. Şuşanaşvilinin sözlərinə görə, atası artıq 12 ildir ki, Marsel həbsxanasında saxlanılır. Fransa məhkəməsi onu 2010-cu ildə qanuni oğru Vladimir Canaşiyanın sifarişli qətlində təqsirli bilib.

Milli.Az 

40 000 AZN-dək krediti ONLAYN sifariş et!

Şərh yaz:

1 Şərh:

  • Anonim
    Alimardan · 25 Yanvar 12:0800

    Vorzakon məhkəməyə müraciət edirsə, bu uje vorovskoy yox, mentovskoy sayılır.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics