Dünya

Donbasda azərbaycanlı snayper gülləsindən həlak olub - FOTO

1 Dekabr 2021 00:03
1 Şərh     Baxış: 2 159

Ukrayna Silahlı Qüvvələrinin 29 yaşlı baş əsgəri əslən azərbaycanlı Əli Naib oğlu Alxaslı noyabrın 27-də Donbasda Novomixaylovka sahəsində düşmən snayperinin açdığı atəş nəticəsində ağır yaralanıb.

Milli.Az oxu.az-a istinadən bildirir ki, həkimlərin bütün səylərinə baxmayaraq əsgəri xilas etmək mümkün olmayıb.

Ukraynanın müdafiəsi zamanı həlak olmuş və itkin düşmüş şəxsləsin doğmalarının yaratdığı Ümumukrayna birliyinin rəhbəri Marina Polyakovanın dediyinə görə, Əlinin həyat yoldaşı Ukraynanın Xarkov şəhərində, anası isə Azərbaycanda yaşayır.

Əli ordu sıralarına 2018-ci ildə qoşulub. O, cəbhədə 54-cü əlahiddə mexanikləşdirilmiş briqadanın atəş dəstəyi taqımının tank əleyhinə bölüyünün tərkibində öz ikinci vətəni olan Ukraynanı qoruyub.

Orduda da Əli fəal idmançı olub, döyüş sənəti ilə peşəkar səviyyədə məşğul olub və dalbadal qələbələr qazanıb. Həmişə rinqə üzərində Ukrayna dilində "Döyüşçü" yazılmış formada çıxıb.

Ə.Alxaslı bugün Xarkov şəhərində torpağa tapşırılıb. Dəfn mərasiminə Ukrayna Azərbaycanlıları Birləşmiş Diasporunun dəstəyi ilə onun anası və qardaşı gətirilib.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

1 Şərh:

  • Anonim
    Allah rəhmət eləsin · 1 Dekabr 2021 00:1630

    Düşmən snayperinin atəşi nəticəsində ölüb. Hansı düşmən? ((((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.