Dünya

"Sən kimsən ki, azərbaycanlıların evlərini paylayırsan?"- ermənilərin "xaç atası" Qarabağdan qaçıb

30 Noyabr 2021 14:20

0 Şərh Baxış: 3 610

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Ermənistanın tanınmış bloqeri və jurnalisti Roman Baqdasaryan ifşalarını davam etdirir. Bu dəfə o, daha çox "Qarabağ ermənilərinin dini lideri, arxiyepiskop Pargev" kimi tanınan Qurgen Martirosyanın kimliyini açıqlayıb.

Milli.Az bildirir ki, Qurgen Martirosyan onillər ərzində özünü "Erməni Apostol Kilsəsinin Qarabağ Yeparxiyasının rəhbəri" kimi təqdim edirdi.

Roman Baqdasaryanın açıqlamasını təqdim edirik:

"Azərbaycanlıları yox, özünüzü, öz keşişlərinizi müzakirə edin. Müharibə qurtaran kimi Qarabağdan qaçan keşiş Parqevdən danışın. Cənab Parqev, bəyəm siz müqəddəs ata deyilsiniz?! 1992-ci ildə Şuşa ələ keçiriləndə keşiş Parqev şəhərdəki mənzillərin kimlərə verilməsinə qərar verirdi. Sən, keşiş, azərbaycanlıların mənzillərinə soxularaq onları necə gəldi paylaya bilərsən?! Sən kimsən ki, azərbaycanlıların evlərini paylayırsan? Ona iki otaqlı, buna üçotaqlı mənzil...

Bəyəm keşiş bir zamanlar azərbaycanlı uşaqların güldükləri, qadınların öz övladlarını dünyaya gətirdikləri mənzillərə toxuna bilər?! Keşiş niyə bu işlə məşğul olmalıdır ki?!

Həqiqəti deməliyik. Sadəcə, qarabağlı generalların varlanması üçün Azərbaycanla müharibə etməməliyik. Xatırdadım ki, azərbaycanlılar Hadruta hücum edəndə erməni hərbçilər qarətçiliklə məşğul idilər, ermənilərin evlərini qarət edirdilər. Bunu Arsrun Ovvanisyan demişdi. İndi anladınız?!"

Milli.Az