Hava

Bakını bürüyən tozun mənşəyi nədir? - Ekoloq

3 Sentyabr 2024 10:43
Baxış: 3 427
VTB-də minimal faiz dərəcəsi ilə nağd kredit 9.9%-dən
#HAVA

"Tozun özünün də tərkibi araşdırılmalıdır. Görək ki, bu tozun mənşəyi nədir? Sənaye mənşəlidir, yoxsa torpaqdan qalxır, yaxud da külək gətirir". 

Milli.Az xəbər verir ki, bunu Qaynarinfo-ya ekoloq Xosrov Musayev səhər saatlarında Bakını toz bürüməsi ilə bağlı danışarkən deyib.
 
Ekoloq bu sahədə hər hansı bir addımın atılmadığını diqqətə çatdırıb:

"Bu tez-tez Bakıda təkrarlanan hadisədir. Bunun bir izahı olmalıdır. Şəhərin içərisində müəyyən problemlər yaradır, görüntünü məhdudlaşdırır. Bəlkə bunu kənardan külək gətirir? Havanın, suyun sərhədi yoxdur. Hər hansı bir ölkənin havasının çirklənməsi digər ölkənin ərazilərinə keçə bilər. Bunun qarşısını almaq qeyri-mümkündür".

Ekoloq hesab edir ki, Bakı şəhərində yerləşən sənaye müəssisələrinin ətraf mühitə atdığı tullantılar da havanı çirkləndirir:

"Mən bir dəfə bu mövzu ilə bağlı araşdırma apardım və gördüm ki, bununla bağlı heç bir elmə əsaslanmış fikir yoxdur. Hərə bir şey yazır, heç nə də başa düşmək olmur. Ona görə də hesab edirəm ki, bu məsələnin araşdırılmasına ehtiyac var. Bakı meqapolisdir, əhalinmin yarısı burada məskunlaşıb. Avtomobillərin də 50%-i Bakıdadır".

Xosrov Musayev vurğulayıb ki, bütün bunlar atmosferin çirklənməsinə səbəb olur:

"Ola bilər ki, bir az aralıda olan sənaye müəssisələridir, külək vasitəsi ilə şəhəri bürüyüb. Tozun tərkibindən nümunə götürülməlidir. Havanın özünü də müəyyən etmək üçün müxtəlif tədqiqat üsulları var". 

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.