Şou-biznes

“Həmin gün sonuncu dəfə ictimai nəqliyyata mindim” - Faiq Ağayev

14 Sentyabr 2026 20:47

Baxış: 1 894

VTB-də minimal faiz dərəcəsi ilə nağd kredit 9.9%-dən

#XALQ ARTİSTİ

Xalq artisti Faiq Ağayev 1991-ci ildən ictimai nəqliyyatdan istifadə etmədiyini açıqlayıb.

Milli.Az xəbər verir ki, "Xəzər axşamı" verilişində qonaq olan sənətçi sonuncu dəfə marşrut taksisindən istifadə etdiyi günü və həmin vaxtdan sonra ictimai nəqliyyata minməməsinin səbəbindən danışıb:

"1990-cı ildən 1991-ci ilə keçid, Yeni il gecəsi... Mən Azərbaycan Televiziyasında Xalq artisti Eldar Mansurovun mənim üçün yazdığı "Ola bilməz" mahnısını oxumağa çıxmışdım.

Yeni il bayramından sonra ayın 3-də dərsə getməyə başladım. 177 nömrəli marşrut taksisi ilə evdən indiki "Cəfər Cabbarlı" metrosuna, oradan da piyada İncəsənət Universitetinə gedirdim. Bu, mənim sonuncu dəfə ictimai nəqliyyata mindiyim gün oldu. Ondan sonra heç vaxt ictimai nəqliyyatdan istifadə etməmişəm. Ən böyük arzularımdan biri bundan sonra metroya qayıtmaqdır. 1991-ci ildən bu yana metroda olmamışam.

O vaxt nə fotoaparat var idi, nə də mobil telefon. Həmin gün hamı məndən imza almağa başladı, hamı məni tanıdı. Allah can sağlığı versin, Azərbaycan televiziya sənətinin bir mogikanı var - Nazim Məlik Zeynalov. Sovet zamanında bütün Yeni il gecələrini o, çəkirdi. O, məni elə bir zamana salmışdı ki, Yeni il gecəsində hamı baxdı və səhər mən oyandım ki, bütün Azərbaycanda məşhuram". (Axşam.az)

Müəllif: Ülkər Vəliyeva (Milli.Az redaktor)