Türkiyə

9 əməliyyatla üzünü dəyişdi, 11 il polisdən qaçdı - FOTO

25 Aprel 2026 15:28

Baxış: 1 116

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ #CİNAYƏT

Bursa şəhərində 2011-ci ildə baş verən qəsdən adam öldürmə hadisəsindən sonra qaçan şübhəli illər sonra yaxalanıb.

Milli.Az xəbər verir ki, uzun müddət gizlənən şəxs qardaşının kimliyindən istifadə edərək İzmirdə yeni həyat qurub.

Məlumata görə, həmin şəxs kazinoda mühafizəçi işlədiyi dövrdə müdiri ilə birlikdə planlı şəkildə qətl törədib. Hadisədən sonra müdiri saxlanılsa da, o, qaçmağa nail olub. Məhkəmə hər iki şəxs barəsində ağırlaşdırılmış ömürlük həbs qərarı çıxarıb.

Şübhəli izini itirmək üçün illər ərzində 9 dəfə estetik əməliyyat keçirib, üz cizgilərini dəyişdirərək tam fərqli görünüş alıb. O, İzmirdə mebel sexində işləyərək diqqət çəkməməyə çalışıb.

Lakin polis işi bağlamayıb. Yenidən başladılan istintaq çərçivəsində yüzlərlə saatlıq təhlükəsizlik kamerası görüntüləri analiz edilib və müxtəlif şəhərlərdən toplanan məlumatlar müqayisə olunub. Nəticədə kosmetik dəyişikliklərə baxmayaraq, şübhəlinin kimliyi müəyyən edilib.

Polis tərəfindən bir müddət izlənilən şəxs hər gün eyni avtobusla işə getdiyi zaman keçirilən əməliyyat nəticəsində saxlanılıb. 11 illik qaçış beləliklə sona çatıb.

Saxlanılan şəxs barəsində məhkəmə qərarı ilə həbs qətimkan tədbiri seçilib və o, həbsxanaya göndərilib.

Milli.Az