Şou-biznes

"Behzat Ç" saxlanıldı - (Yenilənib)

30 İyul 2026 15:27

Baxış: 2 250

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #AKTYOR

Türkiyənin Daxili İşlər Nazirliyinin yaydığı məlumata görə, Ankara Baş Prokurorluğunun apardığı istintaq çərçivəsində Etimesqut bələdiyyə sədri Erdal Beşikçioğlu da daxil olmaqla, 55 nəfər barəsində həbs qərarı çıxarılıb.

Bildirilib ki, barəsində qərar verilən şəxslərdən 37-si, o cümlədən Erdal Beşikçioğlu bələdiyyə əməkdaşı, 18-i isə müxtəlif şirkətlərin nümayəndələridir.

Əməliyyat zamanı cinayət törətmək məqsədilə təşkilat yaratmaq və ona üzv olmaq, mənimsəmə, rüşvət alma, hədə-qorxu ilə tələb etmə, dövlət satınalmalarında və müqavilələrin icrasında saxtakarlıq, həmçinin vəzifə səlahiyyətlərindən sui-istifadə ittihamları ilə 52 nəfər saxlanılıb.

Hazırda saxlanılmasına qərar verilən digər üç şübhəlinin tutulması istiqamətində əməliyyat-axtarış tədbirləri davam etdirilir.

________________

Ankarada Etimesgut Bələdiyyəsi ilə bağlı aparılan rüşvət istintaqı çərçivəsində genişmiqyaslı əməliyyat keçirilib.

Milli.Az xəbər verir ki, Ankara Baş Prokurorluğunun apardığı istintaq çərçivəsində bu səhər Etimesgut Bələdiyyəsində əməliyyat həyata keçirilib. Əməliyyat zamanı Etimesgut Bələdiyyəsinin sədri, aktyor kimi də tanınan Erdal Beşikçioğlu saxlanılıb. Onunla yanaşı, çoxsaylı bələdiyyə əməkdaşı barəsində də saxlanılma qərarı verilib.

İstintaq çərçivəsində bələdiyyə binasında və müəyyən edilmiş digər ünvanlarda axtarışlar aparılıb. Həmçinin bəzi bələdiyyə əməkdaşlarının evlərində də axtarış keçirildiyi bildirilib.

Qeyd edək ki, Erdal Beşikçioğlu Türkiyədə yayımlanan məşhur "Behzat Ç." serialında baş rol aktyoru kimi tanınır.

Hazırda istintaq tədbirləri davam edir.

Müəllif: Nərmin Mahmudova (Milli.Az müxbir)