Türkiyə

Futbolçu cinayətində Aleyna Kalaycıoğlunun ifadəsi məlum oldu - FOTO

23 Mart 2026 21:01

Baxış: 1 019

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

İstanbulda futbolçu Kubilay Kaan Kundakçının ölümü ilə nəticələnən hadisədən sonra müğənni Aleyna Kalaycıoğlu onun anası və cinayəti törətməkdə ittiham olunan Alaattin Kadayıfçıoğlu daxil olmaqla 10 şübhəli ədliyyəyə sövq edilib.

Milli.Az xəbər verir ki, Kars 36 Spor-un futbolçusu Kubilay Kaan Kundakçı reper Vahap Canbay ilə müğənni Aleyna Kalaycıoğlunu barışdırmaq məqsədilə görüşə getdiyi zaman silahlı hücuma məruz qalaraq həyatını itirib. Hadisədən sonra qaçan şübhəli Alaattin Kadayıfçıoğlu polis əməliyyatı nəticəsində yaxalanıb.

Cinayət Bürosunda sorğu-sual edilən Aleyna Kalaycıoğlu ifadəsində bunları deyib:

"Biz hadisə yerinə Canbayın itini geri verməyə getmişdik. Orada Canbayı maşında görəndə, Alaattin avtomobildən düşdü və digər maşına tərəf atəş açdı. Sonra yenidən maşına minib uzaqlaşdıq. Mən yolun kənarında maşından düşdüm."

Polis tərəfindən aparılan araşdırmalar çərçivəsində aralarında Aleyna Kalaycıoğlu, anası Zuhal Kalaycıoğlu və tanınmış müğənni İzzet Yıldızhanın da olduğu 10 nəfər saxlanılıb. Əməliyyat prosedurları başa çatdıqdan sonra şübhəlilər Kartal Anadolu Ədliyyəsinə göndəriliblər.

Həyatını itirən gənc futbolçu Kubilay Kaan Kundakçı dünən doğulduğu Sakarya şəhərində dəfn edilib. İstintaq davam edir.

Lalə Qüdrətova
Milli.Az