Türkiyə

Ərdoğan BMT-də çıxış etdi: “Qəzzada soyqırım davam edir, İsrail idarəni itirib” - FOTO

23 Sentyabr 2025 21:05

Baxış: 1 214

VTB-də minimal faiz dərəcəsi ilə nağd kredit 9.9%-dən

#RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan, BMT-nin 80-ci Baş Assambleyasında çıxış edərək İsrailə sərt tənqidlər yönəldib. O, Qəzzada 700 gündən çoxdur davam edən hücumların soyqırım xarakteri daşıdığını bildirib və dünya ictimaiyyətini sükut içində qalmamağa çağırıb.

Ərdoğan deyib ki, İsrailin hücumu nəticəsində Qəzzada 65 mindən çox insan ölüb, onlardan 20 mindən çoxu uşaqdır:

"Hər saat bir uşaq həyatdan qoparılır. İnsanlar yalnız bombalarla deyil, aclıqla da öldürülür. 21-ci əsrdə uşaqlar aclıqdan, dərmansızlıqdan can verir. Bu, insanlığın dib nöqtəsidir."

O, vurğulayıb ki, Qəzzada iki tərəfli müharibə deyil, İsrailin silahlı ordusu ilə dinc əhali arasında qeyri-bərabər qarşıdurma var:

"Bu, terrorla mübarizə deyil, açıq işğal və soyqırımdır. Həmas bəhanədir, əsl hədəf Qəzza və bütün Fələstin torpaqlarıdır."

Ərdoğan bildirib ki, İsrailin baş naziri Benyamin Netanyahu barış niyyətində deyil:
"İsrail yalnız Qəzzada yox, Batı Şəriada da işğalı dərinləşdirir. Ən son Qətərdə aparılan atəşkəs danışıqlarına belə hücum etdilər. Bu, İsrailin idarəni itirdiyini göstərir."

Ərdoğan çıxışında həmçinin:

Suriyada yeni dövrün başladığını, xalqın zalım rejimə qalib gəldiyini,

İranın nüvə probleminin sülh yolu ilə həll edilməsinin vacibliyini,

Azərbaycanla Ermənistan arasında imzalanan sülh addımlarını dəstəklədiyini,

Şimali Kipr Türk Cümhuriyyətinin tanınması üçün çağırışını təkrarladığını,

Türkiyə-Avropa Birliyi münasibətlərində yeni səhifə açmaq istədiyini də qeyd edib.

Nəticə: Ərdoğan çıxışını belə yekunlaşdırıb:
"Qəzzədə atəşkəs dərhal təmin edilməli, hücumlar dayandırılmalı və insanlara yardımın qarşısı alınmamalıdır. İsrailin soyqırım siyasəti beynəlxalq məhkəmə qarşısında cavab verməlidir."

Lalə Qüdrətova
Milli.Az