Türkiyə

Hakan Fidan onu günahlandırdı - Artıq həddini bil!

6 Aprel 2025 20:52

Baxış: 2 366

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Cənab Prezidentimiz Rəcəb Tayyib Ərdoğan, millətimizdən aldığı dəstək nəticəsində illərdir Türkiyəyə xidmət edib, hər cür xarici qəyyumluğa qarşı mübarizə aparıb.

Milli.Az xəbər verir ki, bunu Türkiyənin xarici işlər naziri Hakan Fidan özünün "X" sosial şəbəkə hesabında yazıb.

"Biz millətimizdən başqa heç kimdən əmr almamışıq, xalqımızdan başqa heç kimdən icazə istəməmişik.

Türkiyəni hədəfə alan bütün güc və qəyyumluq mərkəzlərinə qarşı mübarizə aparmışıq.

İllərlə xalqın iradəsinə qarşı zərbələrin kölgəsində siyasət aparan ənənənin təmsilçisi Özgür Özəldir.

Qanuniliyi sandıqdan kənarda axtaran, siyasəti küçədə formalaşdırmağa çalışan yenə Özgür Özəldir.

Həftələrdir xarici güclərdən ümid gözləyən, "özümüzü tərk edilmiş hiss edirik" deyərək xarici paytaxtlardan dəstək diləyən də Özgür Özəldir.

Korrupsiya ilə bağlı bir məhkəmə işindən qəhrəmanlıq hekayəsi çıxarmağa çalışan da yenə odur.

Şəxsi ehtiraslarını, sui-qəsd nəzəriyyələri ilə yoğurub siyasət pərdəsi altında təqdim edən bu düşüncə tərzini rədd edirik!

Biz, xalqımıza xidmət yolunda qətiyyətlə çalışmağa davam edəcəyik." deyə o, əlavə edib.

Lalə Qüdrətova
Milli.Az