Türkiyə

Əminə Ərdoğan: "Suriyanın yenidən qurulmasında onların yanında olacağıq"

5 Fevral 2025 00:15

Baxış: 1 508

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Prezident Rəcəb Tayyib Ərdoğanın həyat yoldaşı Əminə Ərdoğan, Türkiyəyə rəsmi səfərə gələn Suriya Prezidenti Əhməd Şaranın həyat yoldaşı Latifə əl-Durubi ilə Ankarada görüş keçirib. Görüş zamanı humanitar yardımlar, qadınların gücləndirilməsi və müharibədən zərər görmüş uşaqlara dəstək məqsədilə əməkdaşlıq məsələləri müzakirə olunub. Əminə Ərdoğan Türkiyənin Suriya xalqına dəstəyinin davam edəcəyini vurğulayıb.

Görüş Prezidentlik Kompleksinin Dövlət Qonaq Evində baş tutub.

Suriya Prezidenti Əhməd Şaranın həyat yoldaşı Latifə əl-Durubi, ölkəsinin yenidən qurulması prosesində Türkiyənin dəstəyinə görə təşəkkürünü ifadə edib.

Əminə Ərdoğan: "Suriyanın inşasında Suriya xalqının yanındayıq"

Əminə Ərdoğan görüşlə bağlı sosial media hesabında paylaşım edərək, Türkiyənin Suriyanın bərpasına dəstəyinin davam edəcəyini bildirib:

"Bu gün ölkəmizə rəsmi səfərə gələn Suriya Ərəb Respublikasının dəyərli birinci xanımı Latifə əl-Durubi xanımı qəbul etməkdən böyük məmnuniyyət duydum. Humanitar yardımlar, cəmiyyətin həmrəyliyi, qadınların gücləndirilməsi və təhsilin rolu kimi bir çox vacib mövzular haqqında danışdıq.

"Xüsusilə, dünyanın hər yerində müharibədən ən çox zərər çəkən qadın və uşaqlar üçün birgə atacağımız addımları müzakirə etdik. Suriyanın yenidən qurulması və yaraların sarılması prosesində Türkiyə olaraq həmişə olduğu kimi bu gün də Suriya xalqının yanında olduğumuzu bildirdim."

"Barış və sabitliyin hökm sürdüyü bir gələcəyin ortaq səylərin nəticəsində mümkün olduğuna inanıram. Bu yolda atılacaq hər addımın bölgə xalqları üçün qalıcı bir ümid olmasını arzulayıram."

Görüş, Türkiyə və Suriya arasında humanitar əməkdaşlığın gücləndirilməsi baxımından əhəmiyyətli bir addım kimi qiymətləndirilib.

Lalə Qüdrətova
Milli.Az