Türkiyə

"Tosuncuk" 45 min il həbs cəzasına məhkum edildi

3 Fevral 2025 20:06

Baxış: 543

#TÜRKİYƏ #CİNAYƏT #HƏBSXANA

"Çiftlik Bank" adı ilə tanınan piramida sxeminin qurucuları olduğu iddia edilən Mehmet Aydın (Tosuncuk) və qardaşı Fatih Aydın məhkəmə tərəfindən hər biri 45.376 il 6 ay həbs cəzasına məhkum edilib.

Milli.Az haberler-ə istinadla xəbər verir ki, Anadolu 6-cı Ağır Cəza Məhkəməsində keçirilən məhkəmə iclasında prokuror Mehmet Aydın və Fatih Aydının "informasiya sistemləri vasitəsilə dələduzluq", "cinayətkar təşkilat yaratmaq" və "cinayət yolu ilə əldə edilən gəlirlərin yuyulması" maddələri üzrə cəzalandırılmasını tələb edib.

İttiham aktında onların hər birinə 88.302 il həbs cəzası istənilsə də, yekun qərarda cəza 45.376 il 6 ay olaraq müəyyən edilib.

Qərarın elanından sonra məhkəmə prosesi başa çatıb.

Qeyd edək ki, Türkiyədə 100 mindən çox şəxsin dələduzluq edərək pulunu mənimsəyən Mehmet Aydın Braziliyada polisə təslim olmuşdu.

Fidan
Milli.Az