Türkiyə

35 yaşlı azərbaycanlı Türkiyədə faciəvi şəkildə öldü - FOTO

23 Yanvar 2025 13:16

Baxış: 1 585

#HADİSƏ #TÜRKİYƏ #QƏZA

Türkiyənin Esenler avtovağzalı yaxınlığında ağır yol-nəqliyyat hadisəsi baş verib.

Milli.Az Türk mediasına istinadla xəbər verir ki, qəzada 35 yaşlı azərbaycanlı ölüb.

Belə ki, motosikletçi Soner Sərvan Ağayev idarə etdiyi BMW markalı motosikletlə "Fiat" markalı avtomobillə toqquşub.

Əhməd Nurullah D. (25) idarə etdiyi "Fiat" avtomobili ilə ehtiyatsızlıq edib, nəticədə Ağayevin motosikleti maneələrə çırpılaraq metrlərlə sürüklənib.

Hadisə yerinə dərhal polis və təcili tibbi yardım çağırılıb. Ancaq həkimlərin müdaxiləsinə baxmayaraq, motosikletçi hadisə yerində dünyasını dəyişib.

Ağayevin cansız bədəni müayinə üçün Məhkəmə-Tibb İnstitutuna aparılıb.

"Fiat" sürücüsü Əhməd Nurullah ifadə vermək üçün polis bölməsinə aparılıb.

Qəza ilə bağlı araşdırmalara başlanılıb.

Fidan
Milli.Az

Məqaləyə dair fotomateriallar:

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ