Türkiyə

Atası məktəbə göndərmədi, 81 yaşında arzusu gerçək oldu - FOTO

28 Noyabr 2024 18:16

Baxış: 490

#MARAQLI #TÜRKİYƏ #MƏKTƏB

Türkiyədə 81 yaşlı qadın məktəbə başlayıb.

Milli.Az Türkiyə mətbuatına istinadən xəbər verir ki,Türkiyədə Samsunun Atakum rayonunda atasının "Qız uşaqlarına oxumaq olmaz" deyərək məktəbə göndərmədiyi Resimye Sağır 81 yaşında özəl məktəbdə təhsil almağa başlayıb.

Atakum Qocalar Evi Yaşlılara Baxım və Reabilitasiya Mərkəzinin "Xəyallarım gerçəkləşir" layihəsi çərçivəsində Resimye Sağır oxumaq və yazmaq arzusunu həyata keçirmək üçün ilk addımı atıb.

Sağır sonralar öz zəhməti ilə oxumağı öyrənsə də, yazmağı öyrənə bilməyib.

Resimye Sağır "Məktəbə çox həvəsli idim. Kəndçi idik, çobanlıq edirdik. Kənddə görmədiyim iş yoxdur. Hətta eşşəklə meşədən odun da daşımışam. Amma məktəb həmişə arzumda olub. Yolda bir yazılı kağız tapsam, "görəsən, burada nə yazılıb?" deyərdim, başqa bir parça tapana qədər götürüb öpüb qoynuma qoyurdum. Oxumağa çox həvəsli idim. O vaxtlar kəndimizdə məktəb yox idi. Balaç kəndində ancaq məktəb var idi. O da uzaqda idi. Atam deyirdi ki, qızlar oxuya bilər? Məni göndərmədilər. 7-8 yaşım olanda tarlalara gedirdim. Bütün işləri mən aparırdım. O zaman bacı-qardaşlarımın ən böyüyü mən idim. "Amma məktəb həmişə ürəyimdə qalıb" sözlərini deyib.

Lakin indi yaşlı qadın bu arzusunu reallaşdırmağa nail olub.

Fidan
Milli.Az