Türkiyə

Antalya hava limanında qorxu dolu anlar - təyyarə alovlandı - FOTO

24 Noyabr 2024 23:52

Baxış: 485

#TÜRKİYƏ

Antalya Hava Limanında mənfi hava şəraitində eniş edən Rus şirkətinə məxsus Sukhoi Superjet 100 tipli təyyarənin mühərrik hissəsində enişdən sonra yanğın baş verib.

Milli.Az xəbər verir ki, təyyarədə olan 79 sərnişin təxliyə edilib. Yanğına sürətlə müdaxilə edilərək söndürülüb və təyyarə dayanacaq mövqeyinə çəkilib.

Hadisə nəticəsində xəsarət alan olmayıb, təyyarənin dayanacaq mövqeyinə çəkildiyi bildirilib. Hadisə zamanı eniş üçün gözləyən bəzi təyyarələrin havada dövrə vurduğu, mühərriki yanan təyyarə park mövqeyinə keçirildikdən sonra hava hərəkətinin normallaşdığı bildirilib.

Lalə Qüdrətova
Milli.Az