Türkiyə

Ərdoğan azərbaycanlı şəhid ailələri ilə görüşdü - FOTO

31 Avqust 2024 10:56

Baxış: 2 102

VTB-də minimal faiz dərəcəsi ilə nağd kredit 10.49%-dən

#TÜRKİYƏ #ŞƏHİD #ƏRDOĞAN

Türkiyə Prezidenti Rəcəb Tayyib Ərdoğan Zəfər Bayramı münasibətilə keçirilən Milli Müdafiə Nazirliyi Quru Qoşunları Məktəbinin 175-ci məzuniyyət tədbirində Azərbaycandan olan şəhid ailə üzvləri ilə görüşüb.

Bu barədə Milli.Az-a "Yaşat Fondu"ndan məlumat verilib.

Qeyd olunub ki, görüş fondun, "Türkiyə-Azərbaycan İş Adamları və Sənayeçiləri" İctimai Birliyinin təşkilatçılığı, Azərbaycanın milli aviadaşıyıcısı - "Azərbaycan Hava Yolları"nın tərəfdaşlığı ilə baş tutub.

Tədbirin sonunda Ərdoğan bildirib ki, "can Azərbaycanla bir və bərabər olduğumuz kimi, türk cümhuriyyətlərindəki bütün qardaşlarımızla da ürəyimiz eyni döyünür".

Sonra şəhid ailə üzvləri R.T.Ərdoğanın şəxsi dəvəti əsasında Prezident Sarayında təşkil olunan Zəfər Bayramı Özəl Konsert proqramında iştirak ediblər.

Qeyd edək ki, layihə Azərbaycan-Türkiyə sahəvi əməkdaşlığının sistemləşdirilməsi və dərinləşdirilməsinə dair fəaliyyət istiqamətlərinə, eləcə də iki ölkə əməkdaşlığına dair qəbul edilmiş Fəaliyyət Planına əsasən icra olunub.

Milli.Az
Xəbərlərimizi WhatsApp kanalımızdan da oxuyun