Avto

Yaponiya nəhənginin 256 min maşını problemli çıxdı - Qəza riski var

19 Noyabr 2025 12:00

Baxış: 2 161

VTB-də minimal faiz dərəcəsi ilə nağd kredit 9.9%-dən

#DÜNYADA #AVTO #HONDA MOTOR CO LTD #AVTOMOBİL

"Honda" 256 mindən çox avtomobilini geri çağırır.

Milli.Az xəbər verir ki, Yaponiyanın "Honda" şirkəti ABŞ-də 2023-2025-ci il model "Accord Hybrid" avtomobillərinin proqram təminatında ötürülmə riski yarada biləcək ciddi səhv aşkarlayıb. Bu səbəbdən təxminən 256 603 ədəd avtomobil geri çağırılır.

Problem avtomobilin "Integrated Control Module" (ICM) adlı modulu ilə bağlıdır. Modula daxil olan CPU (mərkəzi emal vahidi) proqram səhvi səbəbindən hərəkətdə olan avtomobildə yenidən başlaya bilər. Bu, mühərrikə güc ötürülməsinin qəfil kəsilməsinə gətirib çıxara və qəza riskini artıra bilər.

Səbəb kimi təchizatçı şirkət tərəfindən ICM CPU spesifikasiyalarının səhv anlaşılması göstərilir. Eləcə də, ICM tərəfindən idarə olunan əlavə funksiyalar elektrik yükünü artıraraq sistemin işində qarışıqlığa səbəb olub.

"Honda"nın hesabatına görə bu problem 256 minlik çağırılan avtomobillərin təxminən 0,3 faizinə təsir edə bilər. Hələ ki, xəsarət barədə məlumat daxil olmayıb.

Şirkət problemi ilk dəfə 2024-cü ilin martında araşdırmağa başlayıb.

Qeyd edək ki, Honda dilerləri təsirlənmiş avtomobillərdə proqramı pulsuz olaraq yenidən yükləyəcək. Avtomobil sahibləri əlavə məlumat üçün NHTSA (ABŞ Yol Təhlükəsizliyi Administrasiyası) saytından VIN kodu ilə yoxlaya bilərlər.

İsmayıl
Milli.Az