Türkiyə

Model namizədliyini geri götürdü: Ölümlə hədələdilər - FOTOlar

29 Fevral 2024 20:41

Baxış: 1 936

#HADİSƏ #TÜRKİYƏ #MODEL

Diyarbakırda bələdiyyə sədrliyinə namizədliyini irəli sürən model Simurq Sarsılmaz bu qərardan imtina etdiyini bildirib.

Milli.Az Türkiyə mətbuatına istinadən xəbər verir ki, sosial mediada gündəm olan SimurqSarsılmaz qərarının səbəbini belə açıqlayıb:

"Doğulub boya-başa çatdığım məhəlləyə xidmət etmək üçün vicdanla namizədliyimi elan etdim. Dünən afişanı bitirib işə başlayacaqdım. Ancaq yüzlərlə saxta hesabdan ölümlə hədələndim. Hazırda psixoloji sarsıntı keçirirəm, dərmanla ayaqüstə qalmağa çalışıram. Sabah Diyarbakır Respublika Baş Prokurorluğuna gedəcəyəm və məni təhdid edən şəxslər barəsində cinayət işi açılmasını tələb edəcəyəm".

Qeyd edək ki, Simurq Diyarbakırın Bağlar mahalının bələdiyyə sədri olmağı arzulayırdı.