Türkiyə

Türkiyədə ekoloji körpülərin sayını artıracağıq - Uraloğlu

14 Avqust 2023 14:25

Baxış: 533

VTB-də minimal faiz dərəcəsi ilə nağd kredit 10.49%-dən

Ölkə daxilində inşa etdiyimiz ekoloji körpülərin sayını artıracağıq.

Milli.Az TurkicWorld-ə istinadən məlumat verir ki, bu sözləri Türkiyənin nəqliyyat və infrastruktur naziri Abdulkadir Uraloğlu deyib.

"Ekoloji körpülər heyvanların təhlükəsiz keçidini təmin etməklə bioloji müxtəlifliyin qorunmasında böyük əhəmiyyət kəsb edir. Bundan başqa, ekoloji cəhətdən təmiz yanaşma ilə yaşıllıqların məhv edilməsinin qarşısı alınır və nəqliyyat axınını tənzimləməklə tullantıların azaldılmasına öz töhfəsini verir",- deyə nazir bildirib.

Abdulkadir Uraloğlu qeyd edib ki, ekoloji körpülərin sayı getdikcə artır.

"Şimal Mərmərə şossesində 1, İstanbul-İzmir şossesində 2, Malkara-Çanaqqala şossesində 1, Tarsus-Pozantı şosesində 1, İzmirdə 2, Ankara-Eskişehir Yüksək Sürətli Qatar Xəttində 8 ekoloji körpü var. Magistral və dəmir yolu da daxil olmaqla cəmi 8 ekoloji körpü inşa etdik. 8 ekoloji körpünün sayını artıracağıq. Bu körpülərdən ən çox Kanada, ABŞ, Almaniya, Sinqapurda tikilir və Avstraliya kimi ölkələrdə olduqca yayğındır. Məqsədimiz bu dünyanı paylaşdığımız heyvanların həyatını qorumaq və onlara nəzarət etməkdir.

Hal-hazırda tikinti Halkalı-Eskişehir Yüksək Sürətli Qatar Layihəsi çərçivəsində İzmir-Çeşmə avtomobil yolunda ekoloji körpünün tikintisi davam edir. Həmçinin, Tarsus-Pozantı avtomobil yolu layihəsində Türkiyədə ilk vəhşi təbiət körpüsü olan "Meşə Ekosistemi Körpüsü" inşa edildi",- deyə Türkiyənin nəqliyyat və infrastruktur naziri əlavə edib.

Milli.Az