Türkiyə

Rusiya, Ukrayna və Türkiyə xarici işlər nazirlərinin görüşü başa çatıb

10 Mart 2022 14:01

0 Şərh Baxış: 2 051

VTB-də minimal faiz dərəcəsi ilə nağd kredit 10.49%-dən

14:01

Türkiyənin Antalya şəhərində Rusiya, Ukrayna və Türkiyə xarici işlər nazirlərinin görüşü keçirilib.

Trend xəbər verir ki, Rusiya Xarici İşlər naziri Sergey Lavrov, Ukrayna Xarici İşlər naziri Dimitro Kuleba və Türkiyə xarici işlər naziri Mövlud Çavuçoğlu arasında keçirilən görüş 1,5 saat davam edib.

Yaxın zamanlarda tərəflərin iştirakı ilə mətbuat konfransı olacaq.

-------

12:32

Türkiyədə Rusiya, Ukrayna və Türkiyə xarici işlər nazirlərinin görüşü başlayıb.

Trend-in məlumatına görə, bunu Rusiya XİN-in rəsmi nümayəndəsi Mariya Zaxarova öz "Telegram" kanalında yazıb.

-------

11:00

Rusiyanın Ukraynaya qoşun yeritməsindən sonra bu gün ilk dəfə iki ölkənin xarici işlər nazirləri Sergey Lavrovla Dmitro Kuleba arasında görüş olacaq.

Milli.Az report-a istinadən xəbər verir ki, XİN başçılarının danışıqları Türkiyənin Antalya şəhərinin Belek rayonundakı "Regnum Carya" hotelində baş tutacaq.

Türkiyənin xarici işlər naziri Mövlud Çavuşoğlu da ev sahibi kimi görüşdə iştirak edəcək.

Məlumata görə, tərəflər atəşkəs, ərazi və humanitar məsələləri müzakirə edəcəklər. Rəsmi Kiyev və Moskva arasında görüş Türkiyə tərəfinin təşəbbüsü ilə təşkil edilib.

Rusiya və Ukrayna nümayəndə heyətləri görüşdən kənar danışıqlar aparmayacaq, ayrı-ayrı hotellərdə qalacaqlar. Danışıqların keçiriləcəyi hoteldə Rusiya nümayəndə heyətinin qalacağı villanın pəncərələri gülləkeçirməzdir. 12,5 milyon TL-yə başa gələn və hotel daxilində ayrıca hissədə dəmir hasarla əhatə olunan villanın şəxsi mühafizəsi də var. Ukrayna nümayəndə heyəti isə başqa beşulduzlu hoteldə qonaqlayacaq.

Milli.Az