İdman

Azərbaycan yığması Lüksemburqa qalib gəlib

16 Noyabr 2021 23:27

0 Şərh Baxış: 1 698

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU

19 yaşadək futbolçulardan ibarət Azərbaycan millisi AVRO-2022-nin seçmə mərhələsində çıxışını başa vurub.

Milli.Az apasport.az-a istinadən bildirir ki, oyunları Lüksemburqda keçirilən VIII qrupda çıxış edən Elxan Abdullayevin yetirmələri son turda meydan sahibləri ilə görüşüb.

Elit-raund şansı qalmayan rəqiblərin ikisi üçün də qarşılaşma formal xarakter daşıyıb. İlk iki görüşdə xala həsrət qalan millimiz Lüksemburqla matçda qələbə sevinci yaşayıb.

Elit-raunda ilk pillə sahibləri və yalnız ən yaxşı qrup üçüncüsü çıxdığından yığmamız turnirlə vidalaşıb. Növbəti mərhələyə yüksələn Belçika və İspaniya arasında son turun birinci yer uğrunda matçında heç-heçə qeydə alınıb - 2:2

Qeyd edək ki, millimiz bunadək Belçikaya 1:5, İspaniyaya 0:6 hesabı ilə uduzub.

19 yaşadək futbolçular arasında AVRO-2022-nin seçmə mərhələsi
B qrupu, III tur
16 noyabr
21:00. Lüksemburq - Azərbaycan - 0:2
Qollar: Mirmövsüm Canıyev, 23, Mehrac Baxşalı, 77