İdman

Mahir Emrelinin fotosu reklam lövhələrində - Moskvada

15 Sentyabr 2021 19:48
0 Şərh     Baxış: 1 529

Bu gün Avropa Liqasının qrup mərhələsində "Spartak Moskva" ilə oyuna çıxacaq "Legiya" yeni kompaniyaya start verib.

Milli.Az fanat.az-a istinadən xəbər verir ki, Polşanın ən titullu klubu Avropa kuboklarının nüfuzlu iştirakçıları sırasına qayıtması münasibətilə  "Biz geri dönmüşük" kampaniyasının açılışını edib.

Polşa çempionunun əsas oyunçularının şəkillərini və kampaniyanın şüarını əks etdirən, qrafikalı, böyük formatlı elektron reklam lövhələri Moskvanın iri ticarət obyektləri və iş mərkəzlərinin fasadına yerləşdirilib. 

Reklam lövhələri Rusiyanın paytaxtında "Xoroşo" ticarət mərkəzində, həmçinin "Varshavska Sky" İş Mərkəzində yerləşdirilib ki, bu ünvanlar hər gün minlərlə insan tərəfindən ziyarət edilir. Qürurvericidir ki, hər iki lövhədə millimizin üzvü Mahir Emrelinin şəkli var.

"Geri qayıtdıq" kampaniyasının növbəti matçlarda və daha qeyri-standart formada həyata keçirilməsi planlaşdırılır ("Legiya"nın qrupdakı digər rəqibləri İngiltərənin "Lester Siti" və İtaliyanın "Napoli" klubları olacaq).

Milli.Az

Məqaləyə dair fotomateriallar:

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.