İdman

AVRO-2020: İsveçrə və İsveç 1/8 finala vəsiqə qazanıb

22 İyun 2021 06:35

Baxış: 903

VTB-də minimal faiz dərəcəsi ilə nağd kredit 10.49%-dən

#FUTBOL #AVRO-2020

AVRO-2020-də qrup üçüncüsü kimi 1/8 finala yüksələn ilk komanda müəyyənləşib.

Milli.Az apasport.az-a istinadən bildirir ki, bu, üç qrupda mübarizə başa çatdıqdan sonra rəsmiləşib.

A, B və C qruplarının üçüncüləri arasında ən yaxşı nəticəyə malik olan komanda "dördlük"də yerini təmin edib. Söhbət 6 üçüncü yer sahibindən mərhələ adlayan 4 ən yaxşıdan gedir.

Ən azı 2 qrupdakı qiyabi rəqibini qabarlamaq isə 1/8 finala vəsiqə üçün yetərli olub. A qrupunun üçüncüsü olan İsveçrə bu vəsiqəni əldə edib. Onlar hərəyə üç xal toplayan Ukrayna və Finlandiyadan daha yaxşı nəticəyə malikdir.

A	İsveçrə	3	1	1	1	4-5	4
C	Ukrayna	3	1	0	2	4-5	3
B	Finlandiya	3	1	0	2	1-3	3

3-cü yer sahiblərindən ikisinin aktivində 3 xal olması daha bir komandanın 1/8 finala yolunu açıb. Bu, E qrupunda yer alan İsveç millisidir.

Skandinaviyalılar öz qrupunda ilk üç yerdən birini təmin edib. Aktivində 4 xal olan şimallılar 3-cü olsa belə Ukrayna və Finlandiyanı qabaqlayacaq.

Qeyd edək ki, İtaliya və Uels A, Belçika və Danimarka B, Niderland və Avstriya C qrupunda ilk iki yerin sahibi kimi 1/8 finala yüksəlib.

Milli.Az