İdman

“Qalatasaray”da sürpriz qərar

25 Dekabr 2020 14:29

Baxış: 893

VTB-də minimal faiz dərəcəsi ilə nağd kredit 10.49%-dən

#FUTBOL

Qış transfer dönəminin çalışmalarına başlayan Türkiyənin "Qalatasaray" klubu bir neçə futbolçusu ilə yollarını ayırmaq fikrindədir.

Milli.Az apasport.az-a istinadla bildirir ki, Super Liqa təmsilçisi bununla yeni transferlər üçün heyəti boşaltmağı planlaşdırır.

Avropa klublarının maraq dairəsində olan müdafiəçilər Markao və Kristian Luyindamadan biri sərfəli təklif qarşılığında satılacaq. Eyni zamanda "Stok Siti"dən icarəyə götürülən Peter Etebonun da geri qaytarılması nəzərdə tutulub.

Baş məşqçi Fatih Terim sürpriz qərarı hücum xətti ilə bağlı verib. Təcrübəli mütəxəssis ön xəttə yeni oyunçular alınmaq şərti ilə Radamel Falkao və Mbaye Dianın satılmasını istəyib. Bu, adıçəkilən oyunçuların yüksək məvacibi ilə bağlıdır. "Cim-bom" rəhbərliyi Falkaonu satmağı, Dianı isə icarəyə verməyi düşünür.

Qeyd edək ki, "Qalatasaray" hazırda Super Liqada 26 xalla turnir cədvəlinin 2-ci pilləsində qərarlaşıb.

Milli.Az