İdman

Türkiyədə Azərbaycan çempionuna dəstək - “Yanındayıq “Qarabağ”

29 Oktyabr 2020 21:57
Baxış: 700

Avropa Liqasının qrup mərhələsində "Qarabağ" - "Vilyarreal" matçının keçiriləcəyi "Başakşəhər Fatih Terim" (Türkiyə) stadionunun ətrafında Azərbaycana, eləcə də "Qarabağ" klubuna dəstək xarakterli plakatlar yerləşdirilib.

Milli.Az apasport.az-a istinadən bildirir ki, Azərbaycan bayraqları ilə bəzədilən arenanın ərazisində "Yanındayıq "Qarabağ", Avropa Liqasında uğurlar" tipli pankartlar diqqət çəkir.

Azərbaycandan oyuna yollanan jurnalistlər isə işğal altında olan torpaqlarımızı azad etmək uğrunda mübarizə aparan Azərbaycana dəstəyini göstərən Türkiyəyə özünəməxsus minnətdarlığını çatdırıb. Arena kənarında üzərində "Təşəkkürlər Türkiyə" yazılan plakat açan jurnalistlər Türkiyə Cümhuriyyətinin yaranma günü ilə bağlı təbriklərini də çatdırıblar.

Qeyd edək ki, Azərbaycan çempionunun "Vilyarreal"la görüşü Bakı vaxtı ilə saat 21:55-də başlayacaq.

Mili.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.