İdman

“Atletiko” “Liverpul”a, “Borussiya” PSJ-yə qarşı - YENİLƏNİB

18 Fevral 2020 23:28
1 Şərh     Baxış: 3 706

23:28

UEFA Çempionlar Liqasında (ÇL) iki aylıq fasilə başa çatır.

Milli.Az apasport.az-a istinadən bildirir ki, bu gün pley-off mərhələsinə start veriləcək.

1/8 final mərhələsinin ilk oyun günündə iki qarşılaşma oynanılacaq.

Çempionlar Liqasının son qalibi "Liverpul" Madriddə çətin sınaq qarşısına çıxacaq. Premyer Liqada çempionluğa çox yaxın olan "qırmızılar" tam heyətlə yollandıqları İspaniyadan sərfəli nəticə ilə dönməyə çalışacaqlar. O qədər də yaxşı mövsüm keçirməyən "Atletiko" isə heyətdəki itkilərə baxmayaraq, avrokubok təcrübəsi və əzmkarlığı ilə azarkeşlərini sevindirmək istəyir.

Günün digər cütlüyündə də qonaq komanda favorit sayılır. Çempionlar Liqasının favoritləri sırasında göstərilən PSJ Dortmundda meydana çıxacaq. Paris təmsilçisi "Borussiya" önündə uğurlu nəticəyə ümid edir. Son vaxtlar yaxşı forma yığan "Borussiya" isə güclü rəqibini təəccübləndirmək və cavab matçı üçün sərfəli qalibiyyət əldə etmək niyyətindədir.

Çempionlar Liqası
1/8 final, ilk oyunlar
18 fevral
00:00. "Atletiko" (İspaniya) - "Liverpul" (İngiltərə)
Baş hakim: 
Şimon Marçinyak (Polşa)
Madrid. "Vanda Metropolitano"

00:00. "Borussiya" (Dortmund, Almaniya) - PSJ (Fransa)
Baş hakim: 
Antonio Mateu Lahoz (İspaniya)
Dortmund. "Siqnal İduna Park"

08:08

UEFA Çempionlar Liqasında (ÇL) iki aylıq fasilə başa çatır.

Milli.Az apasport.az-a istinadən bildirir ki, pley-off mərhələsinə start veriləcək.

Fevralın 17-də və 18-də 1/8 final mərhələsinin ilk 4 oyunu keçiriləcək. Bu qarşılaşmalarda İngiltərə, İspaniya və Almaniyanın iki komandası meydana çıxacaq.

Çempionlar Liqasının son qalibi "Liverpul"u Madriddə çətin sınaq gözləyir. "Atletiko" hər nə qədər uğurlu mövsüm keçirməsə də, Dieqo Simeone, avrokubok təcrübəsi və mübarizlik amili ispanları ümidləndirir. Ancaq heyətlə bağlı ciddi problemlər argentinalı mütəxəssisi narahat etməyə bilməz. Müdafiəçi Kiran Trippier, yarımmüdafiəçi Ektor Errera sabah meydana çıxa bilməyəcəklər. Ancaq Joao Feliks və Dieqo Kostanın yoxluğu daha böyük problemə yol aça bilər. Zədədən əziyyət çəkən hər iki hücumçunun iştirakı sual altındadır. Bu baxımdan "Liverpul"da hər şey qaydasındadır. Yalnız Xerdan Şakiri olmayacaq ki, o da əsas heyət üzvü deyil. Premyer Liqada rəqibləri üçün əlçatmaz görünən "qırmızılar" artıq tamamilə ÇL-ə köklənə bilər. Meydandakı mübarizə ilə yanaşı, bu matçı iki çılğın baş məşqçinin dueli kimi də xarakterizə etmək olar.

Günün digər cütlüyünün favoriti də bəllidir. "Borussiya" - PSJ duelində ikincilər növbəti mərhələyə şanslı hesab edilirlər. Hər halda, daxili birincilikdəki nəticələr və heyət bu fikirləri təsdiqləyir. Baş məşqçi Tomas Tuxel sabah iki aparıcı futbolçu - müdafiəçi Presnel Kimpembe və hücumçu Neymarın xidmətindən yararlanmaya bilər. Ancaq parislilərdə onların boşluğunu dolduracaq kifayət qədər oyunçu var. Əvəzində almanların heyətlə bağlı problemləri mövcuddur. Yarımmüdafiəçilər Tomas Delani və Marko Roys ilk görüşü buraxacaqlar. Hətta digər orta sahə oyunçusu Yulian Brandtın da iştirakı sual altındadır. Ancaq Lusyen Favrenin yetirmələrinin son vaxtlar uğurlu çıxışı dortmundlu fanatları ümidləndirir. Xüsusən də, ilk gündən qolları sıralayan yeni transfer Erlinq Halandın güclü rəqib önündə performansı maraqla gözlənilir.

Fevralın 19-da azarkeşlər nisbətən orta səviyyəli komandaların görüşlərinə şahidlik edəcəklər. "Atalanta" ilə "Valensiya" arasında qarşılaşmalar gərgin mübarizə vəd edir. Hər iki komandanın daxili birincilikdəki nəticələri bir-birindən o qədər də fərqlənmir. "Atalanta" A seriyasında, "Valensiya" isə La Liqada ÇL-ə vəsiqə verən 4-cü yerə iddia edirlər. İtaliyalılar ölkə çempionatının son matçında "Roma"nı məğlub edibsə, "Valensiya" "Atletiko" ilə bərabərə qalıb. "Atalanta"dan fərqli olaraq, İspaniya təmsilçisində müəyyən problemlər var. Müdafiəçi Qabriel cəzalıdır. Digər müdafiəçi Kristiano Piççini və yarımmüdafiəçi Manu Valyexo isə zədə səbəbindən matçı buraxacaqlar. Ön xətt oyunçuları Kevin Qameyro ilə Denis Çerişevin də oynayıb-oynamayacağı hələ bəlli deyil.

Turnirin son finalçısı "Tottenhem"lə bu mərhələdəki rəqibi "Leypziq"in hazırkı durumu fərqlidir. Joze Mourinyonun gəlişindən sonra bir qədər toparlanan londonluların hazırda Premyer Liqada 4-cü yeri tutması belə şübhə altındadır. Buna baxmayaraq, komanda yarımmüdafiəçi Mussa Sissoko və hücumçu Harri Keynsiz müsbət nəticələr əldə etməyi bacarır. "Leypziq" isə Bundesliqada çempionluq uğrunda mübarizədə "Bavariya"nın əsas rəqibidir. Ancaq almanlar səfərə ciddi itkilərlə yollanacaqlar. Xüsusən də, müdafiə xəttindəki problemlər baş məşqçini Yulian Naqelsmannı çıxılmaz vəziyyətə salıb. Villi Orban və İbrahima Konate zədə, Dayot Upamekano isə cəza ucbatından meydanda olmayacaqlar. Həmçinin yarımmüdafiəçilər Tayler Adamsla Kevin Kampl da matçı buraxacaqlar. "Leypziq"in bu itkilərin fonunda Londondan hansı nəticə ilə dönəcəyi böyük maraqla gözlənilir.

Çempionlar Liqası
1/8 final, ilk oyunlar
18 fevral
00:00. "Atletiko" (İspaniya) - "Liverpul" (İngiltərə)
Baş hakim: 
Şimon Marçinyak (Polşa)
Madrid. "Vanda Metropolitano"

00:00. "Borussiya" (Dortmund, Almaniya) - PSJ (Fransa)
Baş hakim: 
Antonio Mateu Lahoz (İspaniya)
Dortmund. "Siqnal İduna Park"

19 fevral
00:00. "Atalanta" (İtaliya) - "Valensiya" (İspaniya)
Baş hakim: 
Maykl Oliver (İngiltərə)
Milan. "San Siro"

00:00. "Tottenhem" (İngiltərə) - "Leypziq" (Almaniya)
Baş hakim: 
Cüneyt Çakır (Türkiyə)
London. "Tottenhem" stadionu

Milli.Az

loading...

Şərh yaz:

1 Şərh:

  • Anonim
    vuqar · 18 Fevral 10:1500

    liverpola qelebe atin gedin yatin

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.