İdman

Avropa Gənclər Yay Olimpiya Festivalının tennis yarışlarında növbəti fərdi oyunlar başa çatıb

21 İyul 2019 15:30

0 Şərh Baxış: 1 064

VTB-də minimal faiz dərəcəsi ilə nağd kredit 9.9%-dən

Bakı Tennis Akademiyasında "EYOF Bakı 2019" XV Avropa Gənclər Yay Olimpiya Festivalının tennis yarışlarında növbəti fərdi oyunlar başa çatıb.

Milli.Az Trend-ə istinadən bildirir ki, bu qarşılaşmalarda slovakiyalı Salma Druqdova Azərbaycan idmançısı Polina Drobişevanı 6:1, 6:0, Arica Todoni (Rumıniya) Pia Marija Rebeci (Sloveniya) 6:0, 6:0, Pedro Rodenas (İspaniya) Erden Eri (Türkiyə) 6:4, 6:3, Çelsi Fontenel (İsveçrə) Forta Morinanı (Kosova) 6:0, 6:0, Dominika Salkova (Çex Respublikası) Dani Junanı (Albaniya) 6:0,6:0, Andreas Sillaste (Estoniya) Patrik Jurinanı (Xorvatiya) 7:5, 6:2 hesabı ilə məğlub edərək növbəti mərhələyə adlarını yazdırıblar.

Qeyd edək ki, bu gün Bakıda XV Avropa Gənclər Yay Olimpiya Festivalı start götürüb. İyulun 27-nə qədər davam edəcək mötəbər turnir 12 idman obyektində keçiriləcək.

Festivalda Avropanın 48 ölkəsindən 3900 atlet iştirak edəcək. İştirakçıların 52 faizi oğlan, 48 faizi isə qızdır. İdmançılar 135 dəst medal uğrunda güclərini sınayacaqlar. Mükafatçılar üçün ümumilikdə 930 medal hazırlanıb. Medalların 300-ü qızıl, 300-ü gümüş, 330-u isə bürüncdür.

Festivalda Azərbaycanı 122 idmançı təmsil edəcək.

XV Avropa Gənclər Yay Olimpiya Festivalında atletlər idmanın 10 növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda qüvvələrini sınayacaqlar.

Milli.Az