İdman

Arda Turan Türkiyə millisi ilə bağlı qərarını açıqladı

13 Oktyabr 2026 21:23

Baxış: 377

VTB-də minimal faiz dərəcəsi ilə nağd kredit 9.9%-dən

#FUTBOL

Vinçenzo Montellanın istefaya göndəriləcəyi təqdirdə Türkiyə millisinin baş məşqçi namizədləri arasında adı hallanan Arda Turan "Şaxtyor Donetsk" klubunu yarı yolda qoymayacağını bildirib.

Milli.Az oxu.az-a istinadən xəbər verir ki, bu barədə "Haber Global" telekanalı məlumat yayıb.

"Uzun müddətdən sonra adım ətrafında insanların həmrəy olduğunu görmək həyəcanvericidir. Bu etimada və diqqətə görə sonsuz təşəkkür edirəm. Lakin bəlkə də gənc baş məşqçi kimi daha çox meydanda qalmalı, gənc yaşımda özümü daha da təkmilləşdirərək ölkəmin bayrağının dalğalanmadığı yerlərdə fəaliyyətimi daha yaxşı davam etdirməliyəm.

Milli komanda ilə adımın hallanması böyük qürurdur. Müharibə davam edərkən "Şaxtyor"u yarı yolda qoymayacağam", - deyə Arda Turan Türkiyə millisi ilə bağlı sualı cavablandırarkən bildirib.

Qeyd edək ki, gənc mütəxəssisin Ukrayna təmsilçisi ilə müqaviləsinin müddəti bu mövsümün sonunda başa çatacaq.

Müəllif: Ülkər Vəliyeva (Milli.Az redaktor)