İdman

DÇ-dən kənarlaşdılar, çarter reysləri ləğv olundu

28 İyun 2026 22:45

Baxış: 408

VTB-də minimal faiz dərəcəsi ilə nağd kredit 9.9%-dən

#FUTBOL

Uruqvay Futbol Assosiasiyası (AUF) 2026-cı il dünya çempionatının qrup mərhələsində mübarizəni dayandıran milli komanda üçün nəzərdə tutulmuş çarter reysini ləğv edib.

Milli.Az xəbər verir ki, komandanın Meksikanın Playa-del-Karmen şəhərindəki bazasından Montevideoya planlaşdırılan xüsusi reysi baş tutmayacaq.

Nəticədə futbolçular və məşqçilər korpusu ölkələrinə ayrı-ayrılıqda kommersiya aviareysləri ilə qayıtmalı olacaqlar.

Qeyd edək ki, ikiqat dünya çempionu olan Uruqvay mundialda uğursuz çıxış edib. Marselo Byelsanın komandası qrup mərhələsində Səudiyyə Ərəbistanı və Kabo-Verde ilə heç-heçə edib, son turda isə İspaniyaya 0:1 hesabı ilə uduzaraq qrupu sonuncu pillədə başa vurub və pley-offa yüksələ bilməyib.

AUF çarter reysinin ləğvi ilə bağlı rəsmi səbəb açıqlamayıb. Yerli KİV-lər qərarın komandanın uğursuz çıxışından sonra verildiyini bildirirlər.

Müəllif: Ülkər Vəliyeva (Milli.Az redaktor)