Dünya

Putin nə vaxt nüvə silahından istifadə edə bilər?

28 İyun 2026 10:36

Baxış: 1 941

VTB-də minimal faiz dərəcəsi ilə nağd kredit 9.9%-dən

Rusiya Prezidenti Vladimir Putinin Ukraynaya qarşı nüvə silahından istifadəyə yalnız müəyyən şərtlər daxilində qərar verə biləcəyi iddia olunur.

Bu fikri Ukraynanın sabiq xarici işlər naziri Dmitri Kuleba səsləndirib.

Onun sözlərinə görə, Ukraynanın dron və ya raket zərbələrinin Moskva və ya Sankt-Peterburqa yönəlməsi Putinin dərhal nüvə silahından istifadə edəcəyi anlamına gəlmir.

Kuleba hesab edir ki, belə bir ssenari yalnız Ukraynada, o cümlədən Krımda Rusiya qüvvələrinin cəbhədə ciddi geriləməsi və Kremlin öz hakimiyyəti üçün real təhlükə gördüyü halda gündəmə gələ bilər.

"Nüvə silahından istifadə məsələsi yalnız Ukraynada, o cümlədən Krımda Rusiya cəbhəsinin çökməsi başlayanda və Putin öz rejiminə real təhlükə yarandığı qənaətinə gələndə ortaya çıxacaq", - deyə o bildirib.

Müəllif: Malik Məlikov (Milli.Az redaktor)