Dünya

Venesuelada zəlzələ nəticəsində 60 min bina dağılıb

28 İyun 2026 20:15

Baxış: 434

VTB-də minimal faiz dərəcəsi ilə nağd kredit 9.9%-dən

#ZƏLZƏLƏ

Venesuelada iyunun 24-də baş verən iki güclü zəlzələdən sonra ölənlərin sayının 1430 nəfəri keçdiyi bildirilir.

Milli.Az APA-ya istinadən bildirir ki, xilasetmə əməliyyatları davam edərkən on minlərlə insanın taleyi hələ də naməlum olaraq qalır.

Dağılan və ya ciddi zədələnən binaların sayının təxminən 60 minə çatdığı bildirilir.

Xilasedicilər dağıntılar altında sağ qalanları tapmaq üçün gecə-gündüz axtarış aparırlar. Son əməliyyatlardan birində 11 yaşlı oğlanın sağ şəkildə dağıntılar altından çıxarılması ümidləri artırıb.

Rəsmi məlumatlara görə, təxminən 50 min nəfər itkin düşmüş hesab olunur. Dağıdıcı zəlzələlər nəticəsində minlərlə bina dağılıb və ya ciddi zədələnib, yüz minlərlə insan evlərini tərk etmək məcburiyyətində qalıb.

Beynəlxalq yardım əməliyyatları genişlənməkdə davam edir. Avropa İttifaqı Venesuelaya 5 milyon avro məbləğində təcili yardım ayırıb, bir sıra ölkələr isə axtarış-xilasetmə qrupları, tibb işçiləri və humanitar yardım göndəriblər.

Mütəxəssislər xəbərdarlıq edirlər ki, dağıntılar altında hələ də çox sayda insanın qalması səbəbindən ölənlərin sayının artacağı istisna edilmir. Bölgədə təkrar yeraltı təkanlar qeydə alındığından xilasetmə işləri çətin şəraitdə davam etdirilir.

Müəllif: Ülkər Vəliyeva (Milli.Az redaktor)