İdman

Şəhriyar Məmmədyarov finalda - FOTO

19 Fevral 2026 18:46

Baxış: 1 401

VTB-də minimal faiz dərəcəsi ilə nağd kredit 9.9%-dən

#ŞAHMAT

Şahmat üzrə Azərbaycan çempionatında son finalçı məlum olub.

Milli.Az xəbər verir ki, yarımfinalda iki partiyadan sonra qalibin müəyyənləşmədiyi Şəhriyar Məmmədyarov-Aydın Süleymanlı duelində tay-brek keçirilib.

Tay-brekdə qələbə qazanan Ş. Məmmədyarov 3,5-2,5 hesablı qələbə ilə adını finala yazdırıb.

Sabah Azərbaycan çempionatında final partiyalarına start veriləcək. Kişilərin yarışında çempionluq uğrunda Şəhriyar Məmmədyarov Məhəmməd Muradlı ilə, qadınlarda isə Ülviyyə Fətəliyeva Ayan Allahverdiyeva ilə mübarizə aparacaq.

Üçüncü yer uğrunda görüşlərdə Aydın Süleymanlı-Read Səmədov və Gülnar Məmmədova-Türkan Məmmədyarova partiyaları keçiriləcək. Final görüşləri saat 15-00-da başlayır.

Qeyd edək ki, Azərbaycan çempionatının bağlanış mərasimi fevralın 22-də "Landmark" Biznes Mərkəzində təşkil olunacaq.

Milli.Az