İdman

Türk klubunun sahibi, azərbaycanlı iş adamı maaşları verə bilmir

13 Fevral 2026 10:42

Baxış: 2 276

VTB-də minimal faiz dərəcəsi ilə nağd kredit 9.9%-dən

#TÜRKİYƏ #FUTBOL #MAAŞ #BİZNES

Azərbaycanlı iş adamı Tufan Sadıqova məxsus olan Serikspor uğursuz çıxışlarını davam etdirir.

Milli.Az-ın yerli mediaya istinadən yaydığı məlumata görə, komanda son turda səfərdə Bodrum FK ilə qarşılaşıb və 0:3 hesabı ilə məğlub olub. Türkiyə 1-ci Liqasında mübarizə aparan "Serikspor"un azarkeşləri nəticələrdən narazı qalıb və klub rəhbərliyinə, xüsusilə də sahibkara qarşı sərt etirazlar səsləndiriblər.

Məlumatlarda bildirilir ki, klubda ciddi maliyyə problemləri yaşanır. Maddi çətinliklər səbəbindən bir sıra futbolçular komandanı tərk edir. İddialara görə, klub rəhbəri öz oğlu İlya Sadıqov-a hücum xəttində şans verir. Lakin o, 17 oyunda meydana çıxmasına baxmayaraq, cəmi bir dəfə qapıya zərbə endirə bilib.

Qeyd edək ki, "Serikspor" son 4 həftə ərzində çempionatda bir dəfə də olsun fərqlənə bilməyib. Bu göstərici komandanın turnir cədvəlində geriləməsini daha da sürətləndirib.

Hüseyn
Milli.Az