İdman

Çempionlar Liqasının matçı 7 dəqiqə çəkdi - komanda 2 oyunçu ilə qaldı

7 Yanvar 2026 13:15

Baxış: 1 194

VTB-də minimal faiz dərəcəsi ilə nağd kredit 9.9%-dən

#MARAQLI #İDMAN #ÇEMPİONLAR LİQASI #BASKETBOL

Basketbol Çempionlar Liqasının pley-in mərhələsində qeyri-adi hadisə yaşanıb.

Milli.Az xarici mətbuata istinadən xəbər verir ki, İsrailin "Hapoel" (Holon) klubu ilə İtaliyanın "Trapani Şark" komandası arasında keçirilən qarşılaşma cəmi yeddi dəqiqə davam edib.

Məlumata əsasən, ciddi maliyyə çətinlikləri ilə üzləşən İtaliya təmsilçisi İsrailə yalnız beş basketbolçu ilə yollanıb. Oyunun gedişində həmin oyunçulardan üçü qısa müddət sonra meydanı tərk edib və "Trapani" parketdə cəmi iki oyunçu ilə qalıb.

Bu səbəbdən, birinci hissənin bitməsinə 3 dəqiqə 6 saniyə qalmış oyun dayandırılıb. Matçın nəticəsi olaraq "Hapoel" komandası 38:5 hesablı texniki qələbə qazanıb.

Qeyd edək ki, tərəflər arasında cavab görüşü yanvarın 8-də keçirilməlidir. Bu cütün qalibi Basketbol Çempionlar Liqasının 1/8 final mərhələsinə yüksələcək.

Hüseyn
Milli.Az