İdman

"Liverpul" "Real"ın ulduzuna 60 milyon ödəməyə hazırdır

29 Dekabr 2025 13:15

Baxış: 542

VTB-də minimal faiz dərəcəsi ilə nağd kredit 10.49%-dən

#TRANSFERLƏR #REAL MADRİD #FUTBOL #PREMYER LİQA #PRİMERA #LİVERPUL

İngiltərənin "Liverpul" klubu Madridin "Real" komandasında çıxış edən braziliyalı hücumçu Rodriqonu transfer siyahısına daxil edib.

Milli.Az xarici mətbuata istinadən xəbər verir ki, Mersisayd təmsilçisinin futbolçu ilə bağlı yaxın vaxtlarda rəsmi addım atacağı bildirilir.

İspaniyanın "Defensa Central" nəşrinin yaydığı məlumata görə, "Liverpul" 24 yaşlı hücumçunun keçidi üçün 50-60 milyon avro məbləğində təklif hazırlayıb. Klub rəhbərliyi Məhəmməd Salahın gələcəyi ilə bağlı qeyri-müəyyənlik fonunda hücum xəttini gücləndirmək üçün alternativ variantlar üzərində işləməyə başlayıb.

Məlumata əsasən, Rodriqo "Liverpul"un potensial əsas transfer hədəflərindən biri kimi dəyərləndirilir və danışıqların yaxın günlərdə intensivləşəcəyi istisna edilmir.

Qeyd edək ki, braziliyalı futbolçu cari mövsüm "Real"ın heyətində bütün turnirlər üzrə 21 oyuna çıxıb, 2 qola imza atıb və 4 məhsuldar ötürmə verib. Rodriqonun Madrid klubu ilə mövcud müqaviləsi 2028-ci ilin yayına qədər qüvvədədir.

Hüseyn
Milli.Az