Cəmiyyət

Xiyar saralır, məhsul tökülür - Səbəb nədir?

2 Aprel 2026 18:51
Baxış: 1 453
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Sabirabadda bu mövsümdə tərəvəzlər həm həyətyanı sahələrdə, həm də fərdi istixanalarda becərilir. Ən çox əkilən məhsullar isə xiyar və pomidordur. Əvvəlki illərdə bu tərəvəzlər mart ayında yetişərək bazara çıxarılsa da, bu il müəyyən gecikmə müşahidə olunur.

Milli.Az xəbər verir ki, hava şəraitinin qeyri-sabit keçməsi fermerlərin işini çətinləşdirib. Təxminən 10 günə qədər gecikmə yaranıb ki, bu da məhsul yığımına mənfi təsir edir. Temperaturun tez-tez dəyişməsi şitillərin inkişafını zəiflədir, kök sisteminə ziyan vurur və məhsuldarlığı azaldır.

Fermerlərin sözlərinə görə, fevralın isti, martın isə soyuq keçməsi istixana şəraitində problemlər yaradıb: "Xiyarın bir hissəsi saralır və tökülür. Bəzən məhsulun yarıdan çoxu itir. Hər kolda 4-5 kiloqrama qədər zərər olur".

Bundan əlavə, aşağı temperatur və yüksək rütubət zərərvericilərin artmasına səbəb olur. Fermerlər bunun qarşısını almaq üçün müxtəlif tədbirlər görürlər. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.