İdman

“Kəndlərdə idmanı inkişaf etdirək” layihəsi Qusarda - FOTO

18 Dekabr 2025 15:01

Baxış: 262

VTB-də minimal faiz dərəcəsi ilə nağd kredit 10.49%-dən

#İDMAN

Uşaq və Gənclər Futbol Federasiyasının İB tərəfindən həyata keçirilən "Kəndlərdə idmanı inkişaf etdirək" layihəsinin iş planına uyğun olaraq növbəti səfər 14 dekabr 2025-ci il tarixdə Qusar şəhərində baş tutdu.

Milli.Az xəbər verir ki, Qusar Olimpiya Mərkəzində keçirilən tədbir çərçivəsində bölgənin uşaq futbol komandalarının gənc oyunçuları və məşqçiləri ilə görüş keçirildi.

Tədbirdə UGFF-nin prezidenti Asif Əliyev, federasiyanın baş katibi Asim Xudiyev, federasiyanın İdarə Heyətinin üzvləri, Qusar İdman İdarəsinin nümayəndələri, Şahdağ (Qusar) futbol klubunun rəhbəri İlham Murtuzayev, rayonun futbol veteranı Kəmran Nurəhmədov, METAK Uşaq Futbol Klubu və Şirvanovka Uşaq Futbol Klubu iştirak etdilər.

Tədbirdən əvvəl uşaq futbol bölmələrinin üzvlərinə idman geyimləri və futbol topları hədiyyə edildi. Çıxış edənlər arasında UGFF-nin prezidenti Asif Əliyev, federasiyanın baş katibi Asim Xudiyev, Şahdağ futbol klubunun rəhbəri İlham Murtuzayev və futbol veteranı Kəmran Nurəhmədov oldular.

Tədbirin sonunda yeniyetmə futbolçular arasında mini-turnir təşkil olundu.

Milli.Az