Dünya

Onlar bundan sonra evdən işləyəcəklər

2 Aprel 2026 09:34
Baxış: 1 292
VTB-də minimal faiz dərəcəsi ilə nağd kredit 9.9%-dən
#DÜNYADA

Malayziya hökuməti qlobal enerji bazarındakı gərginlik fonunda yeni qənaət tədbirləri elan edib.

Milli.Az xəbər verir ki, bu barədə "Free Malaysia Today" məlumat yayıb.

Bildirilib ki, Yaxın Şərqdə artan gərginliyin yanacaq təchizatına təsirindən sonra dövlət qurumlarında çalışan işçilərin uzaqdan iş rejiminə keçəcəyi açıqlanıb.

Məlumata görə, Baş nazir Ənvər İbrahim bildirib ki, nazirliklər və dövlət şirkətləri də daxil olmaqla, dövlət sektorunda çalışan əməkdaşlar 15 aprel tarixindən etibarən məsafədən işləyəcəklər.

Onun sözlərinə görə, bu addımın əsas məqsədi yanacaq istehlakını azaltmaq və ölkənin enerji təchizatının davamlı təhlükəsizliyini təmin etməkdir. İş rejiminin detalları ilə bağlı əlavə məlumatın yaxın günlərdə açıqlanacağı qeyd olunub.

Baş nazir həmçinin vurğulayıb ki, hökumət enerji təhlükəsizliyini gücləndirmək üçün neft və qaz idxal mənbələrinin şaxələndirilməsi istiqamətində fəaliyyətini davam etdirir.

Ənvər İbrahim əlavə edib ki, artan neft qiymətlərinin təsirini azaltmaq üçün dövlət hər ay təxminən 993 milyon dollar xərcləyir və bu, ölkə üçün ciddi maliyyə yükü yaradır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.