PUL
.jpg)
.png)
"Beşiktaş" İdarə Heyətinin üzvləri Həsən Arat və Tevfik Yamantürk klubdan xaric edilə bilər.
Milli.Az türk mediasına istinadla xəbər verir ki, dünən keçirilən İntizam Şurasının iclasında bu barədə ilkin qərar qəbul olunub.
Toplantı zamanı baş verən qalmaqallı hadisələr fonunda, klubun rəhbərliyi sabiq prezident Həsən Arat və İdarə Heyətinin sədri Tevfik Yamantürkün vəzifələrindən uzaqlaşdırılması məsələsini gündəmə gətirib. Məlumata görə, klubun baş katibi Uğur Fora bu barədə İdarə Heyətinin sədri Əhməd Akpınar tərəfindən məlumatlandırılıb.
İddialara əsasən, qərar Akpınar tərəfindən təkbaşına verildiyi üçün İntizam Şurasının üzvü vəkil Əli Anılan istefa verib.
Qeyd edək ki, bu məsələ Beşiktaş İdarə Heyətində təsdiqləndiyi halda, oktyabr ayında keçiriləcək İnzibati və Maliyyə Baş Assambleyasında müzakirəyə çıxarılacaq və səsvermədən keçərsə, xaricetmə qərarı rəsmiləşəcək.
Xatırladaq ki, aprelin 12-də keçirilən İdarə Heyətinin iclasında Həsən Arat və Tevfik Yamantürk arasında yaşanan sözlü mübahisə fiziki qarşıdurmaya çevrilmiş və iclas yarımçıq dayandırılmışdı.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
