İdman

9 klub Ardanı almaq üçün sıraya durub

4 Aprel 2025 18:56

Baxış: 5 375

VTB-də minimal faiz dərəcəsi ilə nağd kredit 9.9%-dən

#TRANSFERLƏR #REAL MADRİD #FUTBOL #REAL

Mövsüm sonu üçün çoxsaylı transfer təklifi alan Arda Gülerin gələcəyi ilə bağlı "Real" Madrid rəhbərliyinin qərar verməsi gözlənilir.

Milli.Az haber global-a istinadən xəbər verir ki, 19 yaşlı futbolçunun bu mövsüm istədiyi qədər forma şansı qazana bilməməsi onun gələcək planlarını qeyri-müəyyən hala gətirib. Karlo Ançelotti Ardaya əsas heyətdə nadir hallarda şans verib. Güler bu günə qədər La Liqa, Çempionlar Liqası və Kral Kuboku daxil olmaqla cəmi 1165 dəqiqə oynaya bilib.

Arda "Real" Madrid kimi bir klubda yer almağın çətin olduğunu başa düşsə də, ardıcıl 5 matçda meydana çıxmayıb və oynadığı vaxtlar da əsasən oyunun son dəqiqələri olub. Bu vəziyyət gənc futbolçunun başqa kluba keçməsi ehtimalını gündəmə gətirib.

Bəzi məlumatlara görə, Arda gələcək mövsümdə "Real"da qalmaq istəmir. O, itirdiyi vaxtı kompensasiya etmək üçün klubdan ayrılmağa müsbət yanaşır. Amma o, açıqlamalarında hələ də "Real Madrid"də qalmaq istədiyini deyir. Son qərarı isə klub verəcək.

"Real" Madrid rəhbərliyi, Ardanın icarəyə göndərilməsinə qarşı çıxmır. Mövsüm bitdikdən sonra baş məşqçi dəyişərsə, məsələyə yenidən baxıla bilər. Məsələn, Xabi Alonsonun "Real"a baş məşqçi təyin olunması halında Gülerin durumu dəyişə bilər.

Bundan əlavə, Arda Güleri bir neçə klub öz komandalarında görmək istəyir.

Arda Güleri istəyən 9 klub:

-Liverpool

-Aston Villa

-Milan

-Inter

-Bayer Leverkusen

-RB Leipzig

-Eintracht Frankfurt

-Sevilla

-Real Sociedad /BAKU.WS

Milli.Az