İdman

Ronaldunun məşhur restoranı BAĞLANDI - FOTO

14 Mart 2025 20:15

Baxış: 1 329

VTB-də minimal faiz dərəcəsi ilə nağd kredit 9.9%-dən

#KRİŞTİANU RONALDU #FUTBOL #RESTORAN

Səudiyyə Ərəbistanının "Əl-Nəsr" klubunun və Portuqaliya yığmasının hücumçusu Kriştiano Ronaldunun dünya şöhrətli restoranı bağlanıb.

Milli.Az xəbər verir ki, 40 yaşlı futbolçu İspaniyanın paytaxtı Madriddə yerləşən "Toto" restoranının açılışını 2022-ci ildə məşhur tennisçi Rafael Nadalla birgə etmişdi.

İaşə obyekti adıçəkilən idmançılarla yanaşı, ispaniyalı basketbol ulduzları Rudi Fernandes və Pau Qasolun də səhmlərinə sahib olduğu Tatel Group şirkətinə daxil idi.

Madridin mərkəzində yerləşən restoranda İtaliya mətbəxinin təamlarını dadmaq mümkün idi. Burada xüsusilə karbonara pastası sevilirdi. Vera Carbonara de Tato adlı təam eksklüziv reseptlə hazırlanırdı və turistlər arasında çox populyar idi.

"Toto"nun 3 ildən sonra gözlənilmədən bağlanmasının səbəbləri açıqlanmır. Buna baxmayaraq, Birləşmiş Ərəb Əmirliklərinin Dubay və Əbu-Dabi şəhərlərində yerləşən eyniadlı restoranlar fəaliyyətlərini davam etdirirlər. /Offsideplus.az

Milli.Az