İdman

Olimpiadadan sonra ilk reytinq: Heydərov və Kotsoyev fərqi artırdı

5 Avqust 2024 14:49
Baxış: 1 301
VTB-də minimal faiz dərəcəsi ilə nağd kredit 9.9%-dən
#CÜDO

Paris-2024 Yay Olimpiya Oyunlarının cüdo yarışları başa çatdıqdan sonra ilk reytinq siyahısı açıqlanıb.

Milli.Az İdman.Biz-ə istinadən bildirir ki, Beynəlxalq Cüdo Federasiyası (İJF) Olimpiadanın nəticələrinin nəzərə alındığı dünya reytinqini dərc edib.

Azərbaycan millisinin aparıcı cüdoçuları liderlik mövqelərini möhkəmləndiriblər. Yay Oyunlarına qədər birinci yerdə olan Olimpiya çempionları Hidayət Heydərov (73 kq) və Zelim Kotsoyev (100 kq) rəqibləri ilə fərqi daha da artırıblar.

Parisdən öncə 17-ci olan Uşanqi Kokauri (+100 kq) dörd pillə irəliləyərək 13-cü yerdədir. Balabəy Ağayev (60 kq) yeddinci yerdə qalıb, Yaşar Nəcəfov (66 kq) 10 pillə geriləyərək 21-ci, iki addım geri düşən Zelim Tskayev (81 kq) isə səkkizincidir. Elcan Hacıyev (90 kq) isə iki pillə yüksələrək, Murad Fətiyevi bir addım qabaqlayaraq ilk "15-liy"ə düşüb.

Qadınların yarışında Leyla Əliyeva (48 kq) mövqeyini yaxşılaşdıraraq 22-ci pillədən 20-ci yerə yüksəlib. Gültac Məmmədəliyeva isə (52 kq) 4 pillə geriləməklə 27-ci yeri tutur.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.